اتعملوا يا ولاد ازاى تعاكسوا البنات

::اتعلم ازاي تعاكس البنات

--------------------------------------

ازيكوا يا شباب

ركزوا معايا متسرحوش

عشان مش هعيد تانى

الكل معايا يستعد !! تخيل البنت من دول ماشية وليكن فى الشارع او فى مول ودخلت نغاشيشك قوي وعايز تكلمها

قرب منها وفي صمت دامس ولازم تخليها تشوف عيونك

إفضل بص ليها

البنت طبعا هتتكسف وتبص الناحية التانية

انت هتطلع رخم وتقرب جنبها تقولها ياه إية العيون الجميلة دي عيونك جميلة زي القطط بالظبط

هية هتبتسبم ومش هترد وهتتقل واحلي حاجة البنات اللي بتتقل ..

انت بردو هتكون ارخم وارخم ومتسبهاش قولها تعرفي انى عمري ماشوفت احلي من الشعر دة

ولو كانت لابسة طرحة

تقولها لعلمك شكلك جميل جدا بالطرحة مش هتعبرك بردو اطمن ...

خليك أرخم وأرخم (على طبيعتك اقصد) قولها بردو مش هتعبرنا ياجميل ... علي العموم دة رقم تليفوني وتقوله

هتلاقيها مطنشة قولها انتى بتتقلي لية انا عايز الرضا ياعسل

وخليك واد جنتل وانت بتعاكس يعني مترميش نفسك عليها اوى

قولها علي إسمك وإفضل ماشي جنبها مش وراها مش عايزين غباء وبصلها اوى ..

هتقولك فية اية انت عايز اية قولها بس اصل اول مرة اشوف حد بالجمال دة ..هتقولك ...ياخفة..وهية بتضحك...

قولها تعالي نقعد في اي كافيترية او اى مكان انتى تختارية ..

هتتراخم وتكشر وتقولك مبقعدش

قولها طيب انا فرحان اوى لانك رديتي عليا ..

هتضحك قولها علي العموم انا عايز اكلمك لانى معجب بيكى اوى

هتقولك لا قولها لا لازم اكلمك

هتلاقيها بتقول لا وهية من جواها نفسها تكلمك

قولها طيب شوفي انا بكرة هقعد فى المكان الفلاني وهنتظرك الساعة كذا كذا

هتسكت امسك اي ورقة وقلم واكتب رقم تليفونك واسمك ولازم تحطة مثلا علي كتاب ليها مسكاة اى حاجة مسكاها ولو

انت جرئ حطها في إيدها وإمشي علي طول وقولها ياريت اسمع صوتك ياجميل

وبعدين

.
.

هتلاقي نفسك اما في السجن او عند المأذون مع ان السجن اهون..

شفتوا بقي اخرة اللي بيعاكس البنات في الشارع
يارب تتعظو
وتسيبو بنات الناس فى حالها
مع تحياتى
:
روميو

موضوع جامد يا روميو وانا موفقاك بس ياريت الشباب يعملوا كدة
لاني بعاني من حاجة زي كدة منهم

طريقتك قديمه اوى ياض ياروميو الحاجات دى ماتوكلش معانا

نيس توبيك ياواد

ثانكس يا قمرات وانتظروا منى المزيد
وبعدين يا بت دى مش طرقتى فى المعاكسه
انا مش ممكن اققول طرقتى لحد

نيس توبيك يا باشا
بس على فكرة الكلام د ما يوكلش عيش خالص بس اشطة يعنى
لان غالبا فى موقف زى دة مش هيبئا فية مأذون خالص بس هيبئا فيها علئة او تروح القسم بع ما تاخد علئة بردو

نورت التوبيك يا غالى

موضوع جامد يا جماعه ودمو خفيف بس احسن عشان يبطلو يعاكسو البنات ويرخموا عليهم

منور باصحابو يا باحبيب قلبى

مرور رائع للجميع بجد نورتو التوبيك

الموضوع حلو ولذيذ بس انت شكلك خت علئة ولا اية يا غالى

» ازاى تحرقى دم شاب
» اتعلموا يا شباب ويا بنات ازاى تتكلموا فى الفون ..